Pulang Costume

Oras na para umalis sa mga rehas, Tanggalin ang mga kadenang alahas, Ayoko na maging si Maria Clara, Gusto ko ng maging malaya, Hindi na ko magiintay kay Crisostomo, Ako na mismo ang gagawa ng pagbabago, Ipaglalaban ko ang karapatan kong pumili, At hindi lang basta mamamatay tulad ng sa El Fili, Hindi ko na kailangan si Simoun, Sa mapagkontrol na lipunang ito, ako ang hahamon, Ako ang magiging tagapagtanggol ngayon mga 'day, Kahit walang Kaptain Barbell at ang Panday, Nakalimutan ko nga palang magpakilala, Ako si Darna. #WMSTula